இஸ்லாமியர்கள் இதயத்தில் இடம் பிடித்தது யார்?

எஸ்.எம்.பாக்கர், தேசிய தலைவர், தவ்ஹீத் ஜமாஅத் கட்சி. : நான் தான் முஸ்லிம்களின் முதல் நண்பன் என்றும், சிறுபான்மையினரின் பாதுகாவலர் என்றும் சொல்லிக்கொள்ளும் கருணாநிதியால் நேரடியாக முஸ்லிம்களுக்கு சென்றடையும் திட்டம் ஏதுமில்லை. உலமாக்களுக்கு முதலில் எம்.ஜி.ஆர்., தான் பென்ஷன் வழங்கினார். வக்பு போர்டுக்கு கட்டடம் கட்ட எம்.ஜி.ஆர்., தான் நிலம் கொடுத்து உதவினார். ஜெயலலிதா கட்டடம் கட்டிக் கொடுத்தார்.

மெழுகுவத்தி பிரகாசமாக ஒளிர்கிறது!

முஸ்லிம் கட்சிகள் முன்னுக்கு வருமா? என்ற தலைப்பில் ஜீனியர் விகடனில் வெளிவந்துள்ள கட்டுரை

காட்டுமன்னார்கோவிலுக்கு துணை ராணுவ படை வருகை

காட்டுமன்னார்கோவில் : காட்டுமன்னார்கோவில் தொகுதியில் பாதுகாப்பு பணிக்காக மத்திய துணை ராணுவப் படையினர் 84 பேர் வந்துள்ளனர். காட்டுமன்னார்கோவில் தொகுதியில் 216 ஓட்டு சாவடிகள் உள்ளது. வரும் தேர்தலில் ஏதும் அசம்பாவிதம் நடைபெறாமல் இருக்க கமாண்டர் உமைத் கான் தலைமையில் 84 பேர் பாதுகாப்புப் பணிக்கு வந்துள்ளனர். இவர்கள் காட்டுமன்னார்கோவில் தொகுதிக்குட்பட்ட சேத்தியாத்தோப்பு, குமராட்சி, காட்டுமன்னார்கோவில், ஸ்ரீ முஷ்ணம் ஆகிய பகுதிகளில் பாதுகாப்பு பணியில் ஈடுபடுத்தப்பட்டுள்ளனர். தொகுதிக்குட்பட்ட முக்கிய நகரங்களில் டி.எஸ்.பி., மூவேந்தன் தலைமையில் நடத்தப்பட்டது. மேலும் துணை ராணுவத்தினர் பல்வேறு இடங்களில் வாகன சோதனை, ரோந்து பணிகளில் ஈடுபட்டு வருகின்றனர். காட்டுமன்னார்கோவில் பகுதிகளில் பல இடங்களில் துணை ராணுவத்தினர் துப்பாக்கியுடன் வலம் வர துவங்கியுள்ளதால் பரபரப்படைந்துள்ளது.

    நன்றி.தினமலர்

தேர்தலில் கதாநாயகன் தேர்தல் கமிஷன்தான் * ம.ம.க."சர்ட்டிபிகேட்'

தென்காசி : "தேர்தலில் கதாநாயகன் என்றால் அது தேர்தல் கமிஷன் தான்' என மனித நேய மக்கள் கட்சி பொது செயலாளர் ஹைதர்அலி கூறினார்.

தென்காசி தொகுதி அ.தி.மு.க.கூட்டணி வேட்பாளர் சரத்குமாரை ஆதரித்து தேர்தல் பிரசாரம் செய்ய ம.ம.க.பொது செயலாளர் ஹைதர் அலி தென்காசி வந்தார். அவர் நிருபர்களிடம் கூறியதாவது:""தேர்தலில் கதாநாயகன் என்றால் அது தேர்தல் கமிஷன்தான். சிறந்த முறையில், பாகுபாடின்றி தேர்தல் கமிஷன் செயல்படுகிறது. தேர்தல் கமிஷன் உத்தரவுகளை நடைமுறைப்படுத்த வேண்டியது மத்திய, மாநில அரசு ஊழியர்கள்தான். மதுரை கலெக்டர் சகாயம், கமிஷனர் கண்ணப்பன் நேர்மையாக, அச்சுறுத்தலுக்கு பயப்படாமல் செயல்படுகின்றனர். பல இடங்களில் பல அதிகாரிகள் அச்சுறுத்தலால் ஆளும் கட்சியினருக்கு ஆதரவாக செயல்படுகின்றனர்.திருச்சியில் தனியார் ஆம்னி பஸ்சில் இருந்து பல கோடி ரூபாயை அப்பகுதி தேர்தல் அதிகாரி சங்கீதா கைப்பற்றி அரசு கருவூலத்தில் ஒப்படைத்தார். இந்த பஸ் உரிமையாளர் உதயகுமார், அவரது மகன் அருண்பாலாஜி அமைச்சர் நேருவுக்கு உறவினர். முறையான பெர்மிட் பல வழித்தடங்களில் பஸ்கள் இயக்கப்படுவதாக கூறப்படுகிறது. இதற்கு முன்னர் பல கோடி ரூபாய் பல்வேறு இடங்களுக்கு இந்த பஸ் மூலம் கொண்டு செல்லப்பட்டுள்ளது. இதுபோல் இருந்தால் தமிழகத்தில் எவ்வாறு தேர்தலை நடத்த முடியும். 234 தொகுதிகளிலும் இதே நிலைதான் இருக்கிறது. மதுரை கலெக்டர் சகாயம், கமிஷனர் கண்ணப்பன், திருச்சி ஆர்.டி.ஓ. சங்கீதாவிற்கு போதிய பாதுகாப்பினை வழங்க தேர்தல் கமிஷன் நடவடிக்கை எடுக்க வேண்டும்.

மொத்தத்தில் மெழுகுவத்தி... பிரகாசமாக ஒளிர்கிறது! ராமநாத புரம் மனித நேய மக்கள் கட்சி வேட்பாளர் பேரா எம் ஹெச் ஜவாஹிருல்லாஹ் இன்ஷாஅல்லாஹ் வெற்றி நிச்சயம்

ம.ம.க-வின் ஒருங்கிணைப்பாளர் ஜவாஹிருல்லாவை எதிர்த்து, தற்போதைய காங்கிரஸ் எம்.எல்.ஏ-வான அசன் அலி களத்தில் இருக்கிறார். இலங்கை அதிபர் ராஜபக்ஷேவின் நண்பரான அசன் அலியும், கடந்த தேர்தலுக்குப் பிறகு இப்போதுதான் தொகுதியில் தலை காட்டுவதால், மக்களின் கேள்விகளுக்குப...் பதில் சொல்ல முடியாமல் திணறுகிறார். மேலும் இலங்கைக் கடற்படையால் மீனவர்கள் மீது நடத்தப்பட்ட தாக்குதல்களும் இவருக்குப் பெரும் அதிருப்தியை ஏற்படுத்தி இருக்கிறது. அதனால், மீனவர்கள் மற்றும் ஈழத் தமிழர் ஆதரவாளர்கள் ஓட்டுகள் கணிசமாக ஜவாஹிருல்லாவுக்குத்தான். சில மாதங்களுக்கு முன்பு பெரிய பட்டணத்தில் நடந்த படகு விபத்தில் சிலர் இறந்தனர். ''இது என் தொகுதிக்குள் இல்லை!'' என்று அசன் அலி ஒதுங்கிக்கொண்டார். அந்த சம்பவம் குறித்து அங்கே நேரடியாகச் சென்று ஆறுதல் கூறி, ''பாதிக்கப்பட்டவர்களுக்கு இழப்பீடு அதிகமாகத் தர வேண்டும்!'' என்று கோரிக்கை வைத்து, ஆம்புலன்ஸ் சேவையிலும் ஈடுபட்டார் ஜவாஹிருல்லா. ''ரத்த தானம் செய்வதிலும் முன்னிலையில் இருக்கிறோம். சுனாமி சமயத்தில் நாங்கள் ஆற்றிய மீட்புப் பணிகளை மக்கள் மறக்க மாட்டார்கள்!'' என்று ம.ம.க. நிர்வாகிகள் பிரசாரம் செய்கிறார்கள்.   பிரசாரத்தில் பேசும் ஜவாஹிருல்லா, ''பம்மன் வைப்பாறு திட்டம், கடலில் கலக்கும் நீரைத் தடுத்து தடுப்பு அணைகள் கட்டுதல், ராமநாதபுரம் தலைமை மருத்துவமனையை மேம்படுத்துதல், பாதாள சாக்கடைத் திட்டம், ராமேஸ்வரம் புனிதத் தலத்துக்கு அடிப்படை வசதிகள் செய்தல், கச்சத் தீவு மீட்பு, மீனவர் உயிருக்குப் பாதுகாப்பு ஆகியவற்றை நிச்சயம் செய்து காட்டுவோம்...'' என்கிறார். மொத்தத்தில் மெழுகுவத்தி... பிரகாசமாக ஒளிர்கிறது

அஸ்லம் பாஷா வெற்றி பெறலாம் - குமுதம் ரிப்போர்ட்டர் தொகுதி நிலவரம்

குமுதம் ரி்ப்போர்டரின் பைனல் ரிசல்டில் விறுவிறுப்பான தொகுதி நிலவரம் என்ற தலைப்பில் தமிழக மக்களின் மனநிலையை அறிந்து மெகா சர்வே முடிவுகள் அதில் ஆம்பூர் தொகுதி நிலவரம் வெளியிடப்பட்டுள்ளது.

காங்கிரஸ் சார்பாக முன்னாள் எம்.பி மறைந்த ஜெயமோகனின் மகன் விஜய இளம்செழியனும், அ.தி.மு.க. கூட்டணியில் மனிதநேய மக்கள் கட்சியின் வேட்பாளர் அஸ்லாம் பாஷாவும் முக்கிய வேட்பாளர்கள். இந்தத் தொகுதியில் காங்கிரஸ் முன்னாள் எம்.எல்.ஏ. பாலூர் சம்பத் சுயேச்சையாக வேட்புமனுத் தாக்கல் செய்துள்ளார். இதனால் காங்கிரஸ் ஓட்டுகள் பிரிந்து அ.தி.மு.க. கூட்டணி வேட்பாளர் அஸ்லாம் பாஷா வெற்றி பெறலாம்.

கிராமங்களை பசுமை புரட்சியாக்குவேன்; ம.ம.க. வேட்பாளர் ஜவாஹிருல்லா பேச்சு

திரைப்படம்

மதுரை, ஏப். 7-

ராமநாதபுரம் தொகுதியில் அ.தி.மு.க. கூட்டணி சார்பில் ம.ம.க. வேட்பாளர் ஜவாஹிருல்லா போட்டியிடுகிறார். அவர் தொகுதி முழுவதும் சுற்றுப் பயணம் செய்து ஆதரவு திரட்டி வருகிறார். அவர் நேற்று கிராமப்புறங்களில் சுற்றுப்பயணம் செய்து பிரசாரம் செய்தார். கொளுத்தும் வெயிலில் அவர் வீதி, வீதியாக சென்று வாக்குகளை சேகரித்தார்.

அப்போது அவர் பேசியதாவது:-  

சிறுபான்மை மக்களுக்கு தி.மு.க.,-காங்.,துரோகம் : ம.ம.க.,வேட்பாளர் ஜவாஹிருல்லா ஆவேசம்

ராமநாதபுரம் : "" சிறுபான்மை மக்களுக்கு அளித்த வாக்குறுதிகளை காங்.,-தி.மு.க., என இரண்டு கட்சிகளும் நிறைவேற்றாமல் துரோகம் செய்ததற்கு பாடம் கற்பிக்க வேண்டும்,'' என ,ராமநாதபுரம் ம.ம.க., வேட்பாளர் ஜவாஹிருல்லா கூறினார். கீழக்கரை ஜமாத் நிர்வாகிகளை சந்தித்து ஓட்டு சேகரித்த அவர் ,கீழக்கரை மற்றும் சுற்றுபகுதிகளில் பிரசாரத்தின் போது பேசியதாவது: சிறுபான்மை மக்களுக்கு காங்., தி.மு.க., துரோகம் இழைத்துவிட்டது. வாக்குறுதிகளை நிறைவேற்ற இரு கட்சிகளும் தவறிவிட்டன. 2004 லோக்சபா தேர்தலின்போது சிறுபான்மை மக்களுக்கு தனி இடஒதுக்கீடு வழங்க நடவடிக்கை எடுக்கப்படும் என, காங்.,- தி.மு.க., தேர்தல் அறிக்கையில் கூறின. ஆட்சி அமைத்தபின் சிறுபான்மை மக்களுக்கு இட ஒதுக்கீடு வழங்க , நீதிபதி ரெங்கநாத்மிஸ்ரா தலைமையில் தேசிய கமிஷன் அமைக்கப்பட்டது. மிஸ்ரா கமிஷன் ஆய்வு நடத்தி பரிந்துரையை 2007ல் சமர்பித்தது. ஆனால் அறிக்கையை பார்லிமென்டில் தாக்கல் செய்ய அரசு தவறிவிட்டது.
2009ல் மீண்டும் லோக்சபா தேர்தல் நடைபெற்றபோது அனைத்து முஸ்லிம்களுக்கு இட ஒதுக்கீடு வழங்கப்படுமென காங்., -தி.மு.க., வாக்குறுதி அளித்தது. இரண்டாவது முறையாக ஆட்சி அமைத்த பின் மிஸ்ரா அறிக்கையை பார்லி.,யில் தாக்கல் செய்ய தி.மு.க.,-காங்., மறுத்துவிட்டது. கடைசியாக 2009 டிசம்பரில் தான் பார்லி.,யில் தாக்கல் செய்யப்பட்டது. மிஸ்ரா கமிஷன் மதவழி சிறுபான்மையினருக்கு 15 சதவீதம் தனி இட ஒதுக்கீடு வழங்க வேண்டுமென பரிந்துரை செய்தது. மிஸ்ரா கமிஷன் அறிக்கையை பார்லி.,யில் தாக்கல் செய்து ஒராண்டுக்கு மேலாகியும் அதன் பரிந்துரைகளை செயல்படுத்த எந்த ஒரு நடவடிக்கையும் எடுக்கவில்லை. மிஸ்ரா கமிஷன் பரிந்துரைகளை அமல்படுத்த தி.மு.க., மற்றும் காங்., தலைவர்களிடம் பலமுறை முறையிட்டும் ,யார் காதிலோ ஊதிய சங்கு போல் ஆகிவிட்டது. சிறுபான்மை மக்களுக்கு அறிவிக்கப்பட்ட வாக்குறுதியை நிறைவேற்றாத ,தி.மு.க.,- காங்.,க்கு தகுந்த பாடத்தை கற்பிக்க வேண்டும் , என்றார். முன்னாள் அமைச்சர் அன்வர்ராஜா, மாவட்ட அவைத்தலைவர் சேகர், மாவட்ட துணை செயலாளர் முனியசாமி, நகர் செயலாளர் ராஜேந்திரன், ஒன்றிய செயலாளர் முனியாண்டி, தே.மு.தி.க., மாவட்ட செயலாளர் சிங்கை ஜின்னா,நகர் செயலாளர் மதிவாணன், மார்க்சிஸ்ட் மகாலிங்கம், இந்திய கம்யூ.,ராஜேந்திரன், சமத்துவ மக்கள் கட்சி நகர் செயலாளர் கஜேந்திரன், இந்திய தவ்ஹீத் ஜமாத் மாவட்ட தலைவர் முசமில், ம.ம.க., மாவட்ட தலைவர் சலிமுல்லாகான், மாவட்டசெயலாளர் அன்வர்தீன் உள்ளிட்டோர் பங்கேற்றனர்.

நன்றி.தினமலர்

தேர்தல் அறிக்கை பற்றிப் பேச காதர் மைதீனுக்கு அருகதை இல்லை! திமுக-காங்கிரஸ் கட்சிகளிடம் இனியும் முஸ்லிம்கள் ஏமாற மாட்டார்கள்!!

தமுமுக தலைவர் பேராசிரியர் எம்.ஹெச். ஜவாஹிருல்லாஹ் வெளியிடும் பத்திரிகை அறிக்கை:

முஸ்லிம்களுக்கான 3.5 சதவிகித உள்ஒதுக்கீட்டில் உள்ள குளறுபடிகள் நீக்கப்படும்; முஸ்லிம்களுக்கான இடஒதுக்கீட்டின் அளவு உயர்த்தப்படும்; ஆக்கிரமிப்பாளர்களிடமிருந்து வக்ஃப் சொத்துக்கள் மீட்கப்படும்; முஸ்லிம் ஜமாஅத்துகள் வழங்கும் திருமணப் பதிவுச் சான்றிதழை (தஃப்தர்) சட்டப்பூர்வமாக ஏற்கப்படும் - ஆகிய வாக்குறுதிகளை அ.இ.அ.தி.மு.க. பொதுச் செயலாளரும், கூட்டணியின் தலைவருமான செல்வி ஜெ. ஜெயலலிதா, தனது தேர்தல் பிரச்சாரக் கூட்டங்களில் அளித்துள்ளார். மேற்கண்ட கோரிக்கைகளை நிறைவேற்ற எங்களிடமும் அவர் உறுதி அளித்துள்ளார். எனவே, ஒட்டுமொத்த முஸ்லிம் சமுதாயமும் இந்தத் தேர்தலில் அஇஅதிமுக கூட்டணிக்கு வாக்களிக்க உள்ளது.

ஆம்பூர் பிரச்சாரக் காட்சிகள்

ஆம்பூர் சட்டமன்றத் தொகுதியின் மனிதநேய மக்கள் கட்சியின் வேட்பாளர் அஸ்லம் பாட்ஷா வாக்குகளைச் சேகரிக்கும் காட்சி.