டெல்லியில் புதுமை கொசுவை ஒழிக்க சிறப்பு ரயில்

 தலைநகர் டெல்லியில் கொசுவை ஒழிப்பதற்காக மாநகராட்சி தீவிர நடவடிக்கை எடுத்துள்ளது. அதற்கு தோள் கொடுக்கும் வகையில், வடக்கு ரயில்வே நிர்வாகமும் கொசுவை ஒழிப்பதற்கான சிறப்பு ரயிலை உருவாக்கி உள்ளது. ரயில் பாதைகளின் அருகில் இருக்கும் நீர்நிலைகளில் வாழும் கொசுக்களை ஒழிப்பதற்கான பூச்சி மருந்து, இந்த ரயில் மூலம் நேற்று இருபுறமும் தெளிக்கப்பட்டது. தலைநகரில் உள்ள புதுடெல்லி, நிஜாமுதின், சப்தர்ஜங், குர்கான், டெல்லி கன்டோன்மென்ட், சாராய் ரோகிலா ஆகிய ரயில் நிலையங்களின் வழியாக நேற்று இந்த ரயில் இயக்கப்பட்டு, மருந்து தெளிக்கப்பட்டது. கொசுவை ஒழிக்க இயக்கப்படும் சிறப்பு ரயில் என்பதால், இதற்கு ‘கொசு கொல்லி’ என்று பெயரிடப்பட்டுள்ளது.