சென்னை : ""கட்ட பஞ்சாயத்தை அடியோடு ஒழிப்பேன்,'' என, சேப்பாக்கம் தொகுதி ம.ம.க., வேட்பாளர் தமிமுன் அன்சாரி பேசினார். சேப்பாக்கம் - திருவல்லிக்கேணி தொகுதியில், அ.தி.மு.க., கூட்டணி சார்பில் இரட்டை மெழுகுவர்த்தி சின்னத்தில் போட்டியிடும் மனிதநேய மக்கள் கட்சி வேட்பாளர் தமிமுன் அன்சாரி, நேற்றைய பிரசாரத்தின் இடையே பேசியதாவது: இங்கு அனைத்து சமுதாய மக்களும் ஒற்றுமையுடன் வாழ்ந்து வருகின்றனர். முஸ்லிம்கள் மட்டுமின்றி, நான் போகிற இடங்களில் எல்லாம், பிராமணர்கள், செட்டியார்கள், மீனவர்கள், ஆதிதிராவிட இன மக்களும், என்னை ஆதரித்து வரவேற்று பேசுகின்றனர். நான் வெற்றி பெற்றதும், அனைத்து சமுதாய மக்களும், சமுதாய மோதல்கள் ஏதுமின்றி, எப்போதும் இணக்கமாக வாழும் சூழ்நிலையை உருவாக்கி தருவேன். தொகுதியில் நான் செல்லும் இடங்களில் எல்லாம் கொசு தொல்லை, சுகாதார பிரச்னை, போக்குவரத்து நெரிசல், அடிப்படை வசதிகள் இன்மை குறித்த கோரிக்கைகள் தான் அதிகம் வருகின்றன. பிரச்னைகள் அனைத்தையும் நிவர்த்தி செய்து தருவேன். இத்தொகுதியில் உள்ள முக்கிய பிரச்னைகளை நான் அறிவேன். நான் வெற்றி பெற்றதும், தொகுதியில் நிலவும் ரவுடியிசம், கட்ட பஞ்சாயத்து, மாமூல் வசூல் போன்றவற்றை, ராணுவம் போல் செயல்பட்டு, இரும்பு கரம் கொண்டு ஒடுக்குவேன். தேர்தலில் தோல்வி பயம் காரணமாக தி.மு.க.,வினர் ரவுடி கும்பலை தூண்டிவிட்டுள்ளனர். அதையும் மீறி இறைவன் அருளால், மக்கள் ஆதரவுடன் 15 ஆயிரம் ஓட்டுகள் வித்தியாசத்தில், நான் வெற்றி பெறுவேன் என்ற நம்பிக்கை எனக்கு உள்ளது. இவ்வாறு தமிமுன் அன்சாரி கூறினார்.
நன்றி.தினமலர்
நன்றி.தினமலர்
கருத்துகள் இல்லை:
கருத்துரையிடுக